पोखरा-यही जेठ ३२ गतेदेखि आयोजना हुने टी-२० प्रदेशस्तरीय क्रिकेट प्रतियोगिताको लागि कास्की जिल्लाको टोली घोषणा गरिएको छ ।
मंगलबार पोखरा रंगशालामा भएको छनोटबाट विपिन खत्रीको कप्तानीमा १४ सदस्यीय टोलीसहित १८ सदस्यीय टिमको घोषणा गरिएको छ ।
खेलाडीहरुमा यु १९ राष्ट्रिय टोलीबाट प्रतिनिधित्व गरिसकेको सुवास भण्डारी, कृष्ण पौडेल, सिब्रिन श्रेष्ठ, आत्दिय थापा, सोहेल कुँवर, यु १९ राष्ट्रिय टोलीका भरपर्दा व्याटर अर्जुन कुमाल, रोहित चन्द, मुष्कान थापा, अभिषेक थापा, विश्वास पराजुली, नितेश गिरी, आयुष सैंजु र विष्णुप्रसाद शर्मा रहेका छन् ।
यसैगरी चार जना बैकल्पिक खेलाडीमा सफल श्रेष्ठ, अरुण अधिकारी, समीर भुजेल र मनिष भण्डारी रहेका छन् । प्रशिक्षकमा ऋषिकेश शर्मा पौडेल रहेका छन् ।
पोखरा-पोखरा महानगरपालिका वडा नं २७ रिठेपानी स्थित लिटल फ्लावर एजुकेशनल एकेडेमीको आयोजनामा फुटबल प्रतियोगिता सुरु भएको छ । । असार ८ र ९ गते दुई दिवसीय रुपमा सञ्चालन हुने एस ई ई कप सेभेन ए साइड फुटबल प्रतियोगिताको…
पोखरा-कास्की जिल्ला क्रिकेट संघको कार्यसमितिमा रिक्त रहेको पदमा मनोनयन गरिएको छ । लामो समयसम्म रिक्त रहेको सचिवमा बर्तमान कोषाध्यक्ष विरेन पुनलाई मनोनयन गरिएको छ । कोषाध्यक्षमा दुर्गाबहादुर चन्द र सदस्यमा पूर्व कोषाध्यक्ष चन्द्रकुमार गुरुङलाई मनोनयन गरिएको छ ।…