पोखरा-पोखरा रंगशाला क्रिकेट मैदानमा दुई नयाँ पीच निर्माण शुरु गरिएको छ । कास्की जिल्ला क्रिकेट संघले भईरहेको पीचको पूर्व र पश्चिम तर्फ एक एक पीच थप्ने गरी काम शुरु गरेको छ ।
नयाँ दुई पीच तयार भएपछि छ वटा हुने छ । अहिले चार वटा पीच छन् । कास्की जिल्ला क्रिकेट संघका अध्यक्ष सन्जयकान्त सिग्देलका अनुसार पोखरामा फ्रेन्चाईज क्रिकेट प्रतियोगिता पोखरा प्रिमियर लिग(पिपिएलं शुरु हुनुभन्दा अघि दुईवटा पीच थिए । चार वटा पीचको बेस(आधार) भएपनि संघले दुईवटा मात्रै निर्माण गरेको थियो । पोखरामा पिपिएल शुरु भएपछि थप दुई वटा पीच तयार पारिएको थियो ।
नयाँ दुई पीचको लागि संघले दुईलाख रुपैयाँ खर्च हुने अनुमान गरेको छ । नयाँ पीच तयार भएपछि क्लबस्तरीय, विद्यालयस्तरीय र प्रशिक्षणको लागि प्रयोग गरिने संघका अध्यक्षा सिग्देलले जानकारी दिए । ‘पहिला दुईवटा थियो । पिपिएलसँगै दुई वटा थपियो’ उनले भने—‘अहिले दुई वटा नयाँ पीच थप्दै छौं ।’ नयाँ पीच थपिएपछि प्रशिक्षणको लागि सहज हुने विश्वास संघले लिएको छ ।
पीच क्युरेट प्रदिप राउतका अनुसार तीन हप्ताभित्रमा पीच तयार गरिने छ । ‘फ्लायट पीच बनाउने हो । त्यसैले धेरै समय लाग्दैन् । एउटा बनाउन एक हप्तामा सक्ने गरी काम गर्छौ ।’ उनको भनाई थियो । उनका अनुसार पानीले काम नबिथोल्यो भने दुई पीच तीन हप्तामै तयार गर्ने छौं । भईरहेका चारवटा पीचमा प्रतियोगिताहरु सञ्चालन गर्ने र अन्य दुईवटामा भने प्रशिक्षणको लागि उपयोग गरिने उनले बताए ।
पोखरा-पोखरा महानगरपालिका वडा नं २७ रिठेपानी स्थित लिटल फ्लावर एजुकेशनल एकेडेमीको आयोजनामा फुटबल प्रतियोगिता सुरु भएको छ । । असार ८ र ९ गते दुई दिवसीय रुपमा सञ्चालन हुने एस ई ई कप सेभेन ए साइड फुटबल प्रतियोगिताको…
पोखरा-कास्की जिल्ला क्रिकेट संघको कार्यसमितिमा रिक्त रहेको पदमा मनोनयन गरिएको छ । लामो समयसम्म रिक्त रहेको सचिवमा बर्तमान कोषाध्यक्ष विरेन पुनलाई मनोनयन गरिएको छ । कोषाध्यक्षमा दुर्गाबहादुर चन्द र सदस्यमा पूर्व कोषाध्यक्ष चन्द्रकुमार गुरुङलाई मनोनयन गरिएको छ ।…