गण्डकी प्रदेश नेपाल पुलिससँग पराजित

पोखरा-हारसँगै गण्डकी प्रदेशले एनसेल पाँचौं टाइगर कप राष्ट्रिय तथा अन्तर्राष्ट्रिय क्लब महिला तथा पुरुष भलिबल प्रतियोगिता शुरु गरेको छ । पुरुषतर्फको दोस्रो खेलमा गण्डकी प्रदेश नेपाल पुलिस क्लबसँग प्रतिस्पर्धात्मक पाँचौ सेटमा पुगेर खेल गुमाउन पुग्यो ।

पोखरा रंगशालास्थित भलिबल प्रशिक्षण केन्द्रको कोर्टमा भएको खेलमा गण्डकी पुलिससँग ३–२ को सेटमा पराजित हुनपुग्यो । पहिला दुई सेट गुमाएको गण्डकीले तेस्रो र चौथो सेटमा उत्कृष्ट पुनरागमन गरेपनि पाँचौं सेटमा सम्हालिन नसक्दा आफनो हातबाट सेट गुम्यो । पुलिसले पहिलो सेट २५–२२ र दोस्रो सेट २५–२१ ले आफ्नो पक्षमा पारेको थियो ।

गण्डकीले तेस्रो सेट २५–१९ र चौथो सेट २५–१४ ले जितेको थियोे । पाँचौं सेटमा गण्डकीले सुरुआती अग्रता जोगाउन नसक्दा खेल १५–१० सेटमा हारेपछि गण्डकी प्रदेशले प्रतियोगिता नेपाल पुलिस क्लबलाई सुम्पियो ।