गुरुङद्वयद्वारा फुटबल संघलाई बल हस्तान्तरण

पोखरा-कास्की जिल्ला फुटबल संघलाई शनिबार १८ वटा फुटबल हस्तान्तरण गरिएको छ । पोखरा १३ बाझापाटन निवासी हाल युकेमा रहेका प्रेम गुरुङ र बुद्ध गुरुङले कास्की जिल्ला फुटबल संघका उपाध्यक्ष स एवं कास्की जिल्ला फुटबल संघ एकेडेमीका संयोजक समेत रहेका नरेन्द्रजंग गुरुङलाई १८ वटा बल हस्तान्रण गरेका छन् ।

हस्तान्तरित बल एकेडेमीको लागि प्रयोग गरिने संघले जनाएको छ । सहयोगी गुरुङ दाजुभाइ कास्की जिल्ला फुटबल संघको कोषाध्यक्ष हितमान गुरुङ सहोदर दाजु हुन् ।

सहयोग स्वरुप प्राप्तभएको बल पोखरा रंगशालामा सञ्चालित फुटबल एकेडेमीको लागि प्रयोग गरिने संघका उपाध्यक्ष गुरुङले जानकारी दिए । सहयोग समारोहमा कास्की जिल्ला फुटबल संघमा आवद्ध पदाधिकारी तथा प्रशिक्षकको समेत सहभागिता रहेको थियो ।