काठमाडौं-राष्ट्रिय खेलकुद परिषद्का सदस्य–सचिव टंकलाल घिसिङले युथ एथलेटिक्स च्याम्पियनसिपमा सहभागी हुन काठमाडौं आएका बंगलादेश एथलेटिक्स टोलीका प्रतिनिधिसंग आइतबार भेट गरेका छन् ।
सदस्य–सचिव घिसिङले बंगलादेश क्रिरा शिख्खा प्रोतिष्ठानका ट्रेनिङ डाइरेक्टर कर्णेल मोहम्मद मिजानुर रहमान र बंगलादेश इन्स्टिच्युट अफ स्पोर्ट्सकी लेक्चरर फर्हाना बेन्टी बरीलगायत तीन सदस्यीय टोलीसंग त्रिपुरेश्वरस्थित आफ्नै कार्यकक्षमा भेट गरेका हुन् ।
भेटका अवसरमा सदस्य–सचिव घिसिङले च्याम्पियनसिपमा सहभागी हुन नेपाल आएकोमा धन्यवाद दिदै स्वागत गरे । बंगलादेश टोलीले सदस्य–सचिव बंगलादेश एथलेटिक्सका बारेमा संक्षिप्त जानकारी गराउदै सदस्य–सचिव घिसिङलाई बंगलादेश भ्रमणका लागि आग्रह गरे । दुई पक्षबीच मायाको चिनो पनि आदान–प्रदान गरिएको थियो ।
एथलेटिक्स परिवार, नेपालको आयोजनामा सोमबारदेखि च्याम्पियनसिप त्रिपुरेश्वरस्थित दशरथ रंगशालामा सुरु हुँदै छ । च्याम्पियनसिपमा बंगलोदशबाट समान ४–४ पुरुष÷महिला गरी ८ खेलाडी सहभागी हुँदै छन् ।
पोखरा-कास्की जिल्ला फुटबल संघले फिफा फुटबल फर दि स्कुल कार्यक्रम अन्तर्गत शनिबार दोस्रो चरणमा १७ विद्यालयलाई बल हस्तान्तरण गरेको छ । कास्की जिल्ला फुटबल संघको परिसरमा विभिन्न सरकारी १७ विद्यालयलाई तीन तीन वटा बल हस्तान्तरण गरिएको थियो ।…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…