पोखरा-कास्की जिल्ला साईक्लिङ संघको सहकार्यमा आजदेखि दोस्रो संस्करणको पोखरा एन्ड्युरो(साईक्लिङ रेस)शुरु हुदैं छ । आज बुधबार पहिलो दिन साईक्लिष्टहरुलाई रुटको बारे जानकारी दिने उद्देश्यसहित प्रशिक्षण रहने छ । पोखरा १३ आर्वाविजयमा हुने प्रतिस्पर्धा बिहीबार र शुक्रबार दुईदिन प्रतिस्पर्धा हुने छ ।
विभिन्न ५ स्टेजमा हुने प्रतिस्पर्धामा १३ देशका ६० जना साईक्लिष्टहरुले प्रतिस्पर्धा गर्ने छन् । महिला तर्फ एक नेपालीसहित चारजनाले सहभागिता जनाएका छन् । प्रतिस्पर्धाको पूर्व सन्ध्यमा मंगलबार साँझ सहभागि साईक्लिष्टहरुलाई प्रतिस्पर्धाको बारे जानकारी गराईएको थियो । रेस निर्देशक सुनिलचन्द्र शर्माले सम्पूर्ण जानकारी गराएका थिए ।
प्रतिस्पर्धामा पुरुष तर्फ इलाईट, महिला खुल्ला, जुनियर, भेट्रान्स र सुपर जुनियरको इभेण्टमा प्रतिस्पर्धा ुहने छ । प्रत्येक रुट फरक फरक छ । रुट केही अति नै जोखिमयुक्त रहेको संकेत समेत जनाइएको छ । साईक्लिङ संघका अध्यक्ष शंकर भण्डारीले वर्षेनी आयोजना गरिने यो प्रतिस्पर्धाले साहसिक खेलको प्रवद्र्धनमा टेवा पुर्याउने विश्वास व्यक्त गरे । पोखरा १३ का वडाध्यक्ष किरण बरालले दोस्रो संस्करणलाई अझ भब्य बनाउने तर्फ वडा जुटेको बताए ।
पोखरा-कास्की जिल्ला फुटबल संघले फिफा फुटबल फर दि स्कुल कार्यक्रम अन्तर्गत शनिबार दोस्रो चरणमा १७ विद्यालयलाई बल हस्तान्तरण गरेको छ । कास्की जिल्ला फुटबल संघको परिसरमा विभिन्न सरकारी १७ विद्यालयलाई तीन तीन वटा बल हस्तान्तरण गरिएको थियो ।…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…