पोखरा-पोखराकी धाविका नारायणी भण्डारी भारतको भुवनेश्वरमा आयोजना हुने वर्ल्ड एथलेटिक्स ब्रोन्ज लेभल कन्टिनेन्टल टुरको लागि प्रस्थान गरेकी छन् । उनलाई मंगलबार कास्की जिल्ला एथलेटिक्स संघले विदाई गरेको थियो । उनी आज बुधबार अन्य खेलाडीसहित भुवनेश्वरको लागि प्रस्थान गरेको राष्ट्रिय खेलकुद परिषदले जनाएको छ । उनीसँगै अन्य एथलिटलाई राखेपका सदस्य सचिव टंकलाल घिसिंङले विदाई गरेका हुन् ।
नारायणी पोखरामा पहिलो पटका कास्की जिल्ला एथलेटिक्स संघले आयोजना गरेको पोखरा एथलेटिक्स मिट राष्ट्रिय प्रतियोगितामा अन्तर्गत १५ सय मिटर दौडमा स्वर्ण पदक जितेकी हुन् । उनी १५ औं राष्ट्रपति रनिङ शिल्ड प्रतियोगिताको ८ सय मिटर दौडको कीर्तिमानी धाविका समेत हुन् । उनले आठ सय मिटर २ मिनेट १७ सेकेण्डमा पुरा गरेकी थिईन् ।
उनले भुवनेश्वरमा यही अगष्ट ८ देखि १० तारिखसम्म हुने प्रतिस्पर्धामा ८ सय १५ मिटर इभेण्टमा प्रतिस्पर्धा गर्ने छिन् ।
पोखरा- नयाँलिपि न्यूज डटकमको आयोजनामा आगामी असोज २ र ३ गते पोखरामा हुने गण्डकी प्रदेशस्तरीय ‘मिडिया कप फुटसल प्रतियोगिता–२०८३’ को सहयोगीमा हिमश्री फुड्स प्रालि सहयोगी भूमिकामा जोडिएको छ । हिमश्रीका निर्देशक प्रकाश केसीले मिडिया कपमा प्रालिको साथ रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…