रोयको महत्वपूर्ण पारीमा दिल्लीको पहिलो जित

एजेन्सी— म्यान अफ दि म्याच जासन रोयले नटआउट ९१ रनको पारी खेलेपछि नेपाली स्पीनर सन्दीप लामिछानेको टोली दिल्लीले डेयर डेभिल्सले फराकिलो लक्ष्यलाई तीन विकेटको क्षतिमा पुरा गर्दै पहिलो जित दर्ता गरेको छ ।

भारतीय प्रिमियर लिग अन्तर्गत दिल्लीले तेस्रो खेल खेल्ने क्रममा मुम्बई इण्डियन्सलाई सात विकेटले पराजित गर्ने क्रममा १९५ रनको लक्ष्य पछ्याएको थियो । रोयले ५३ बल खेल्ने क्रममा छ छक्का र छ चौका हिर्काउँदै नटआउट ९१ रनको महत्वपूर्ण इनिङ सम्हाले ।

ओपनिङ रुपमा क्रिज छिरेका उनले दिल्लीलाई जित दिलाउँदै क्रिज बाहिर निस्किएका थिए । उनलाई अन्तिममा साथ भने एसएस ईयरले दिएका थिए । ईयरले २७ रन बनाउने क्रममा २० बल खेले । कप्तान गौतम गाम्भीरलाई १५ रनमा गुमाएपछि दिल्लीले दोस्रो विकेटको रुपमा आरआर पन्त गुमायो ।

पन्तले ४७ रन बनाउँदै अर्धशतकको लक्ष्यमा अग्रसर रहँदा कुर्नाल पाण्डेको बलमा के. पोलार्डको हातबाट क्याच हुन पुगे । तेस्रो विकेटको रुपमा जी.जे म्याक्सवेललाई गुमाएको थियो । उनले केवल १३ रन मात्रै जोडे ।

मुम्बई इण्डियन्सले एस.ए यादवको अर्धशतकीय पारी खेल्दै सात विकेटको क्षतिमा १९४ रनको लक्ष्य प्रस्तुत गरेको थियो । इ.लुईसले ४८ रनको योगदान दिदाँ इशान किसनले पनि ४४ रनको पारी खेले । रोहित शर्माले बाउल्टको बलमा आउट हुनुअघि १८ रन बनाएका थिए । कुर्नाल पाण्डेले ११ रन जोडे भने अन्य व्याट्सम्यान सस्तैमा पवेलियन फर्किए । बाउल्ट, डि.टी क्रिष्टियन र आर टिवाटियाले समान २—२ विकेट लिएका थिए ।