पाँच खेल अगावै सिटीलाई प्रिमियर लिगको उपाधि

- खेलाडी न्युज, पोखरा


     खेलाडी न्युज    
     वैशाख २ गते २०७५ मा प्रकाशित


एजेन्सी—टोटनह्याम हट्सपरलाई पराजित गर्दै म्यानचेष्टर सिटीले यो सिजनको इग्लिस प्रिमियर लिगको उपाधि जितेको छ । आईतबार भएको खेलमा टोटनह्यामलाई ३—१ गोलले पेप ग्वार्डिओलाले सिजनको पहिलो उपाधि लेखाउन सफल भए । पराजित गर्दै प्रिमियर लिगको उपाधि उचाल्यो ।

ग्रावियल जेससको २२ औं मिनेटमा गोलबाट लिएको अग्रतालाई सिटीले अन्त्यसम्म फराकिलो अन्तर बनाउँदै उपाधि रक्षा गरेको हो । अघिल्लो साता नै म्यानचेष्टर युनाईटेडसँग पराजित भएपछि सिटीको उपाधि उचाल्ने सपना एकखेल पछि धकेलिएको थियो । सिटीले दोस्रो स्थानमा रहेको म्यानचेष्टर युनाईटेड भन्दा १६ अंकले अग्रतासँगै उपाधि उचाल्यो ।

सिटीले ३३ खेलमा यो सम्भव बनाएको थियो । अब केवल पाँच खेल मात्रै बाँकी छन् । ईके गुण्डोगले पेनाल्टीमार्फत २५ औं मिनेटमा गोल गरेपछि सिटीले पहिलो हाफमै अग्रतालाई दोब्बर बनायो । यद्यपी क्रिष्टियन एरिकसनले ४२ औं मिनेटमा टोटनह्यामको लागि गोल गर्दै प्रतिस्पर्धात्मक बनाउने प्रयास गरे । तर रहिम स्र्टिलिङले ७२ औं मिनेटमा गोल गर्दै सिटीलाई उपाधि सुनिश्चित बनाए ।