नेयमार प्रशिक्षणमा फर्किए, पूर्ण रुपमा फिट हुन अझै समय लाग्ने

- खेलाडी न्युज, पोखरा


     खेलाडी न्युज    
     वैशाख २४ गते २०७५ मा प्रकाशित


एजेन्सी -क्लब फुटबलका सर्वाधिक महंगा फुटबलर नेयमार भने प्रशिक्षणमा फर्किएका छन् । उनी शनिबार मात्रै आफनो क्लब पेरिस सेन्ट जर्मेन(पिएसजी)सँग प्रशिक्षणमा फर्किएका हुन् । यद्यपी उनी अझै पूर्ण रुपमा फिट भईसकेका छैनन् । उनी मे १७ मा पूर्ण रुपमा प्रशिक्षणको लागि फर्किने सम्भावना छ ।

कुर्कुचाको चोटले लामो समय उनी मैदान बाहिर थिए । ब्राजिलमा उनको शल्यक्रिया गरिएको छ । शल्यक्रियापछि उनको अवस्था सुधार हुदैं प्रशिक्षणमा फर्किएका हुन् । रसियामा हुने विश्वकपको लागि उनी पूर्णरुपमा फिट हुने छन् ।

गत शुक्रबार उनले खाली खुट्टा प्रशिक्षण गरेका थिए । उनी पिएसजीको अन्तिम फाईनल खेलको लागि फर्किने सक्ने अवस्था छ । पूर्ण रुपमा फिट हुन उनले अधिकांश समय जिममा विताउँदै आएका छन् । ब्राजिल फुटबल टोलीका चिकित्सक रोर्डिगो लस्मारको भनाई अनुसार सिजन अन्त्य हुनु अघि उनी फुर्णरुपमा फिट हुने छन् । file pic.