आजदेखि विश्वकप फुटबल, रसिया र साउदी बीच उदघाटन खेल

- खेलाडी न्युज, पोखरा


     खेलाडी न्युज    
     जेठ ३१ गते २०७५ मा प्रकाशित


एजेन्सी¬–आजदेखि २१ औं सस्करणको फुटबलको कुम्भ मेला शुरु हुदैं छ । कमजोर बरियताका दुई देश आयोजक रसियाले एशियाली महारथीको रुपमा पहिचान बन्दै आएको साउदी अरेविया बीच शुरु हुदैं छ । आयोजक रसियाले घरेलु मैदामा सुखद शुरुवात गर्ने अपेक्षा गरेको छ । तर साउदीले पनि त्रासरहित बातावरणमा आफुलाई उपस्थित गर्ने छ । खेल पौने नौ बजे शुरु हुने छ ।

दुवैको एकापस भिडन्त सम्भवत पहिलो हुने छ । यद्यपी रसियालाई साउदीमाथि जित्नुपर्ने दबाव छ । समूह एको पहिलो खेलसँगै विश्वकप हेर्न सबै आतुर बनेका छन् । ‘हामी तयार छौ । हामी डर मानिरहेका छैनौं ।’ साउदी अरबका प्रशिक्षक पिजीले भने–‘ हाम्रो लक्ष्य नै रसियालाई पराजित गर्ने हो ।’

साउदीका कप्तान ओसामा हावसावीले भने विश्वकपको उदघाटनमा आफना समर्थकलाई राम्रो प्रदर्शन गर्ने विश्वास दिलाउन चाहन्छौ । हामी उदघाटन खेलमा केन्द्रीत छौं । समूह एमा साउदी, रसिया, इजिप्ट र उरुग्वे छन् । उरुग्वे दुई पटकको विश्वकप विजेता समेत हो ।