पोल्याण्ड पराजित, सेनेगलको रोमाञ्चक जित

- खेलाडी न्युज, पोखरा


     खेलाडी न्युज    
     असार ६ गते २०७५ मा प्रकाशित


मस्को (एजेन्सी) –फ्रान्स विरुद्ध शसक्त प्रदर्शन गर्दै आफनो दरिलो उपस्थिति जनाएको सेनेगलले रसियामा आयोजित विश्वकपमा पनि उस्तै नजिता निकाल्दै अन्तिम १६ मा प्रवेश गर्ने सम्भावनालाई बढाएको छ । विश्वकप समूह ‘एच’ अन्तर्गत पोल्यान्डलाई सेनेगलले २-१ ले हराउँदै तीन अंक जोड्दा पोल्याण्ड दबावमा परेको छ ।

आत्मघाती गोलबाट पछि परेको पोल्याण्डले दोस्रो हाफमा अर्को गोलको सामना गरेपछि जितबाट विमुख हुदै गएको थियो । पोल्यान्डका डिफेन्डर थियागो सियोनेकको आत्मघाती गोलद्वारा सेनेगलले खेलमा अग्रता बनाउन सफल भएको हो । दोस्रो हाफको ६० औं मिनेटमा स्ट्राइकर एमबाए नियाङले गोल गर्दै सेनेगलको अग्रता दोब्बर पारेका थिए ।

खेलको अन्तिम मिनेटतिर ग्रेग्रोज क्रिचोवियाकले पोल्यान्डलाई फ्रिकिकमा हेडिङ गोल गर्दै खेलमा फर्काउन खोजेपनि सफल भएनन् । पोल्याण्डमाथि जित्नै पर्ने दबाव बढेको छ । जापानले कोलम्बियालाई पराजित गरेको छ । पोल्याण्ड र कोलम्बिया अंक विहीन छन् ।