१४ औं भानुकपको उपाधि कास्की ११ लाई

- खेलाडी न्युज, पोखरा


     खेलाडी न्युज    
     असार ३१ गते २०७५ मा प्रकाशित


पोखरा(खेलाडी न्युज)-कास्की जिल्ला फुटबल संघको टिम कास्की ११ ले १४ औं सस्करणको भाुन कपको उपाधि उचालेको छ । भन्सार युवा परिवारको आयोजनामा तनहुँको डुम्रेबजारस्थित भन्सार खेलमैदानमा सञ्चालित नाईन ए साइड फुटबल प्रतियोगिताको उपाधि कास्की ११ ले उचाल्यो । स्थानीय कालिका युवा क्लबलाई सडन डेथमा पराजित गर्दै कास्कीले १ लाख ५० हजार नगदराशीको ट्रफी उचाल्दै पोखरा भित्रयायो ।

निर्धारित समयमा १–१ गोलको बराबरी पछि खेल सिधै पेनाल्टी सुटआउटमा निर्णय गरिएको थियो । पहिलो पाँच जनाको प्रहार ४–४ गोल भएपछि खेल सडन डेथमा धकेलियो । सडन डेथमा कास्कीले ६–५ को स्थितिमा जित्दै उपाधि चुम्न सफल भयो । पेनाल्टीमा कास्की ११ का दुई खेलाडीले गुमाउँदा कालिका युथका तीन खेलाडीले पेनाल्टी खेर फाले ।
निर्धारित ४०–४० मिनेटको खेलमा पहिलो हाफमा विमल रानाको गोलबाट अग्रता लिएको कास्कीले दोस्रो हाफमा बराबरी खेल्दै पेनाल्ट सुटआउटमा पुगेको थियो ।

प्रतियोगितामा सर्वाधिक गोलकर्ता कास्कीका अजित गुरुङ हुदै मोवाईल सेट र ट्रफी तथा उत्कृष्ठ गोलकिपर पनि कास्कीकै दिप कार्की घोषित भएको कास्की ११का कप्तान उत्तम गुरुङले जानकारी दिए । उनले ग्लोब्स र मोवाईल पुरस्कार स्वरुप पाए ।