पाहुना टोलीको बिदाई, धराने टोलीको तेस्रो क्र्वाटरफाईनल यात्रा

- खेलाडी न्युज, पोखरा


     खेलाडी न्युज    
     माघ १० गते २०७४ मा प्रकाशित


धन बस्नेत, पोखरा –धरान फुटबल क्लबले तेस्रो पटक आहा राराको क्र्वाटरफाईनल खेल्न योग्य हुदाँ पाहुना टोली सिक्किमे टोली भने झरीमा विरक्त बन्ये । आहा राराको १६ औं सस्करणको दोस्रो दिन बुधबार धरानले सिक्किम युनाईटेडमाथि ३—० को इज्जतिलो नतिजा निकाल्दा तेस्रो पटक क्र्वाटर खेल्ने सम्भब बनायो । गतवर्ष क्र्वाटरफाईनल खेलेको सिक्किम यो संस्करणमा भने इटहरी गोल्डकपकै कारण पोखरा प्रिक्र्वाटरमै उपस्थिति जनाउन आईपुग्यो ।
खेलको एकघण्टासम्म धराने टोलीको चुनौतिलाई कडा रुपमा पन्छाउँदै आएपनि थकान बन्दै गएपछि पहिलो गोल ६२ औं मिनेटमा सामना गर्यो । डिफेन्सबाट ओभरल्यापमा आएका रोमन लिम्बुले धरानको लागि गोलको खाता खोले ।

र्तमान राईको कर्नर बल डिफेन्सबाट क्लियर हुदैं डिबक्स बाहिर आएको बललाई लिम्बुले साईड भली हिर्काउँदै गोलमा परिणत गरेपछि धरान सिक्किममाथि दवाव सृजना गर्न पुग्यो । त्यसको एक मिनेट पछि नै बर्तमान राईले नै दिएको क्रसबललाई गोललाईन नजिकै बसेका म्यान अफ दि म्याच सजन राईको ‘व्याक हिल’ प्रहार फष्टबारमा छिरेको थियो ।
दोस्रो हाफमा थकित बन्दै गएको सिक्किमे टोली झरीले पनि खेल्नको लागि केही असहज बनाईदियो । सिमसिम परेको पानीले मैदानको धुलो मरेपनि खेलाडीलाई भने बल चिप्लिएर नियन्त्रण गर्न कठिनाई भएको थियो । निशान राईकको पासमा बैकल्पिक खेलाडीको रुपमा मैदान छिरेका धिरेन लिम्बुको उत्कृष्ठ फष्टबार च्याप्दै गोल हुन पुग्यो । ७५ औं मिनेटमा लिम्बुले हानेको हेडिङ ‘क्लियर फिनिसिङ’ थियो ।

१३ औं सहभागिता जनाउन पोखरा आईपुगेको धरानले पहिलो हाफमा राम्रो अवसर पायो । तर डिफेन्सलाई तोड्न नसक्दा गोलको खडेरीमै पहिलो हाफ टुग्यायो । ३७ औं मिनेटमा निशान राईले हानेको बललाई सरोज राईले गोल लाईनबाट क्लियर गरेपछि सिक्किमे टोली पहिलो हाफमा गोलरहित बनाउन सफल रह्यो ।
५८ औं मिनेटमा नवल सेवाले दिएको व्याक क्रसपासलाई मानस राईले बायाँखुट्टाले भली प्रहार गरे । तर बल गोललाईनमा सिक्किममा खेलाडीले धरानका गोलकिपरलाई फउल गरेपछि महत्वपूर्ण अवसर गुमाउन पुग्यो । पेमा लुण्डुपले पहिलो हाफमा डिबक्स बाहिरबाट हानेको बललाई धरानका गोलकिपरले क्रसबारमाथि बल फाल्दै धरानको संकट टारेका थिए । बिहीबारको खेल सिएमजी संकटाले विभागीय टोली शसस्त्र प्रहरीबलसँग खेल्ने छ ।

आयोजक सहारा क्लबले इटहरी गोल्डकपलाई देखाउँदै खेल तालिका भने बनाईसकेको छैन् । प्रिक्र्वाटर फाईनलसम्मको तालिका बनाईएपछि क्वार्टरफाईनलपछिका खेलको तालिका भने छैन् । खेल तालिका नहुदाँ आम दर्शक समेत अन्यौलमा परेका छन् । प्रतियोगिता पुर्व नै खेल तालिका बनाउनुपर्ने नियम छ । तर आहा रारा गोल्डकपमा भने उपस्थित हुने क्लबलाई ध्यानमा राखेर व्यवस्थापन गरिदैं आएको छ ।

तस्वीर सुर्दशन रन्जित