नेपाल—भारत मैत्रीपूर्ण बक्सिङमा नेपाली तीन स्वर्ण

- खेलाडी न्युज, पोखरा


     खेलाडी न्युज    
     माघ ११ गते २०७४ मा प्रकाशित


पोखरा(खेलाडी न्युज)- नेपाल—भारत मैत्रीपूर्ण बक्सिङ प्रतियोगितामा नेपाली खेलाडीले तीन स्वर्ण, दुई रजत पदक जितेका छन् । पोखरा भ्रमणमा आएको भारतीय टोलीले पोखरा रंगशालास्थित कर्भड हलमा आयोजित प्रतियोगितामा ५४ केजी तौल समूहमा भारतीय खेलाडी हरिशलाई पराजित गर्दै दिनेश बानियाँले स्वर्ण पदक जितेका हुन् ।

६० केजी तौल समूहमा भारतीय खेलाडी हिमांशुले नेपाली खेलाडी गणेश सुनारलाई पराजित गर्दै स्वर्ण जित्दा बानियाँले रजत पदकमा चिक्त बुझाए । ६४ केजी तौल समूहको प्रतिस्पर्धा सविन गुरुङले भारतीय खेलाडी कमल सिंहलाई पराजित गरेका थिए । यसैगरी ७४ केजी तौलको प्रतिस्पर्धामा भारतीय खेलाडी विकासले गणेश पुलामीमाथि जित निकाले । त्यस्तै ८१ केजी तौल हेभिवेट प्रतिस्पर्धामा भने आदित्या सिन्हालाई पराजित गर्दै सन्दीप श्रेष्ठले स्वर्ण पदक जितेको प्रशिक्षक सुरेश मल्लले जानकारी दिए ।