यु—१९ विश्वकप क्रिकेटको फाईनल, अष्ट्रेलिया व्याटिङमा

एजेन्सी—यु—१९ विश्वकप क्रिकेट अन्तर्गत अहिले भारत र अष्ट्रेलिया बीच फाईनल खेल भईरहेको छ । फाईनलमा अष्ट्रेलियाले अहिले व्याटिङ गरिरहेको छ । ५ ओभरमा अष्ट्रेलियाले एक विकेटको क्षतिमा ३२ रन बनाई खेलिरहेको छ ।  । परेलको बलमा ब्रायन्ट १६ रनमा आउट भएका छन् . जे.एडवार्डले १६ रन बनाई क्रिजमा छन् ।

भारत यु —१९विश्वकप क्रिकेटको तीन पटकको विजेता हो । दुई पटक उपविजेतामा चिक्त बुझाएको थियो । पृथ्वी शहको नेतृत्वमा भारतीय टिमले पाकिस्तानलाई पराजित गर्दै फाईनल आएको हो । अष्ट्रेलियाले भने अफगानिस्तानलाई चुनौतिलाई पन्छाउँदै फाईनल प्रवेश गरेको हो । सन २०१६ को फाईनलमा भारत वेष्ट इण्डिजसँग पराजित भएको थियो ।

भारत र अष्ट्रेलिया बीचको फाईनलले २०१२ को फाईनल खेलको झल्को दिएको छ । छ वर्ष अघि यी दुवै टोलीले फाईनल खेलेका थिए । छ वर्ष अघिको फाईनलमा भारतले अष्ट्रेलियालाई छ विकेटले पराजित गर्दै उपाधि जितेको थियो । २०१८ को सस्करणमा पनि लिगचरणको खेलमा भारतले अष्ट्रेलियालाई १०० रनले पराजित गरेको थियो । गत १४ जनवरीमा भएको खेलमा ३२८ रन बनाएको भारतले अष्ट्रेलियालाई २२८ रनमै समेटेको थियो । प्रतियोगितामा भारतीय बलर अनुकुल रायले अहिलेसम्म १२ विकेट लिईसकेका छन् ।