पोखरा लेखनाथ महानगरपालिका मेयर कपको फाईनलमा, उपाधिको लागि वालिङसगँ भिड्ने

- खेलाडी न्युज, पोखरा


     खेलाडी न्युज    
     माघ २० गते २०७४ मा प्रकाशित


पोखरा(खेलाडी न्युज) पोखरा लेखनाथमहानगरपालिका प्रदेश नं ४ स्तरीय मेयर कपको फाईनलमा प्रवेश गरेको छ । महानगरपालिकाले उपाधिको लागि वालिङ नगरपालिकासँग खेल्ने छ ।

पहिलो सेमिफाईनल खेलेको महानगरपालिकाले गोरखा नगरपालिकालाई ८—१ को फराकिलो गोल अन्तरले पराजित गर्दै उपाधि निकट पुगेको हो । कप्तान उत्तम गुरुङको फ्रिकिकबाट गोल गर्दै महानगरपालिकालाई अग्रता दिलाउँदा विजय श्रेष्ठले ह्याट्रिक गरे । विसान गुरुङले दुई र बेलप्रसादले दुई गोल गर्दै फराकिलो जित निकाल्यो । प्रतियोगिताका विजेताले रु दुई लाख २२ हजार २२२ र उपविजेताले रु एक लाख ११ हजार १११ प्राप्त गर्नेछन् । प्रतियोगिताका उत्कृष्ट खेलाडीलाई रु १० हजार, उत्कृष्ट गोलरक्षक, डिफेण्डर, मिडफिल्डर, स्ट्राइकर र प्रशिक्षकलाई सम्मानस्वरुप रु पाँच पाँच हजार प्रदान गरिने छ ।