म्यानचेष्टर युनाईटेडद्वारा हर्डसफिल्ड पराजित, सान्चेजको डेब्यु गोल

- खेलाडी न्युज, पोखरा


     खेलाडी न्युज    
     माघ २१ गते २०७४ मा प्रकाशित


Manchester United's Alexis Sanchez during the Emirates FA Cup, fourth round match at Huish Park, Yeovil.

एजेन्सी— म्यानचेष्टर युनाईटेडले हर्डसफिल्डलाई २—० ले पराजित गर्दै इग्लिस प्रिमियर लिग लिगर म्यानचेष्टर सिटीसँग अंक कम घटाएको छ । युनाईटेडले दुवै गोल भने दोस्रो हाफमा सम्भव बनायो ।

स्ट्राईकर रोमेलु लुकाकुको गोलबाट अग्रता लिएको म्यानचेष्टर युनाईटेडले दोस्रो गोल भने अलेक्स सान्चेजले गरे । लुकाकुले हुवान माटाको क्रस बललाई दायाँ खुट्टाले हानेको बल बारको बायाँकुनाबाट भित्र छिरेपछि युनाईटेडले गोलको खुशी मनायो । भर्खरै मात्र आर्सनलबाट जनवरीमा ट्रान्सफर भएको सान्चेजले युनाईटेडमा डेब्यु गोल गरेका छन् । उनको युनाईटेडमा दोस्रो खेल थियो । भरपर्दा मिडफिल्ड पाउल पोग्बालाई पहिलो लाईनअपमा बेन्चमा राखिएको अवस्थामा पनि युनाईटेडले जित निकाल्यो । यद्यपी पोग्बा ६५ औं मिनेटमा जेसे लिङगार्डको ठाँउमा मैदान छिरेका थिए । बलमाथिको नियन्त्रण पनि युनाईटेडको ७४—२६ प्रतिशतको अवस्थामा थियो ।