केनको निर्णायक गोलमा टोटनह्याम विजयी

- खेलाडी न्युज, पोखरा


     खेलाडी न्युज    
     माघ २७ गते २०७४ मा प्रकाशित


एजेन्सी—ह्यारी केनको निर्णायक गोलमा टोटनह्यामले आर्सनलमाथि १—०ले पराजित गरेको छ । ४९ औं मिनेटमा केनले गोल गर्दै टोटनह्याम हट्सपरलाई तीन अंक जोडे । बेन डेभिसको क्रसमा डिबक्सको मध्यभागबाट हानेको हेड बल बारको बायाँकुनाबाट भित्र छि¥यो । खेलको ९ औं मिनेटमा मेसुट ओजिलको पासलमा ज्याक विल्सेरले बायाँ खुट्टाले हानेको प्रहार आउटसाईड बक्समा रोकियो । खेलको १४ औं मिनेटमा टोटनह्यामका एरिक डियरको हेडिङ बल पनि खेर गयो । क्रिष्टियन एरिकसनले हानेको कर्नरबल उपयोग गर्न खोजेका थिए । १८ औं मिनेटमा फेरी टोटनह्यामले अर्को अवसरलाई गुमाउन पुग्यो । डेले अलीको पासलाई सन ह्युङ मिनको प्रयास विफल भयो ।

२५ औं मिनेटमा टोटनह्यामका क्रिष्टियनको हेडिङ पनि खेर गयो । केईरन त्रिपरको पासलाई एरिकसनले हानेको बललाई गोलकपरले बचाउ गरे । मेसुट ओजिलले दिएको पासमा ४० औं मिनेटमा हेक्टर बेल्लिरिनको दायाँ खुट्टाले हानेको बल पनि आउटबक्स बारबाट थोरैले बाहिरियो । पहिलो गोलको दवावमा रहेको आर्सनलमाथि टोटनह्यामले ५२ औं मिनेटमा राम्रो मुभ बनायो तर सदुपयोग भने हुन सकेन् । ह्यारी केनको हेडिङ आउटबक्स नजिकैबाट बाहिरियो । एकपछि अर्को अवसर सृजना गर्ने क्रममा टोटनह्यामले ५७ औं मिनेटमा जन भर्टोन्गेनले क्रिष्टियनको पासलाई हेडिङ गर्दै बललाई पोष्टको दिशा दिन सकेनन् । बलमाथिको नियन्त्रण भने दुवैको आधा आधा नै थियो ।