पोखरामा प्रदेशस्तरीय दृष्टिविहीन क्रिकेट प्रतियोगिता

पोखरा (खेलाडी न्युज)—नेत्रहीन क्रिकेट संघ कास्कीको आयोजनामा सोमबारदेखि प्रदेशस्तरीय महिला टी—२० क्रिकेट प्रतियोगता हुदैै छ । प्रतियोगिता पोखरा रंगशालाको क्रिकेट मैदानमा हुने छ ।

प्रदेश नं १ र प्रदेश नं ४ बीच टी—२० को त्रिदिवसिय सिरिज खेल्नेछन् । विजेता प्रदेशले शिल्ड तथा पदक प्राप्त गर्ने नेत्रहीन क्रिकेट संघ कास्कीका अध्यक्ष निलकण्ठ तिम्सिनाले पत्रकार सम्मेलनमा जानकारी दिए । फागुन १४ र १५ गते र समापन १६ गते कास्की नेत्रहीन संघको तालिम केन्द्र बुढीबजारमा हुने छ ।

प्रतियोगिताको पुर्व सन्ध्यामा प्रदेश नं ४ को महिला क्रिकेट टोलीलाई प्रभु बैंकले खेल जर्सी समेत हस्तान्तरण ग¥यो । प्रतियोगितालाई ओम डेभलपमेन्ट बैंक, गण्डकी विकास बैंक, पोखरा फाईनान्स, माछापुच्छ«े बैंक र सञ्चय सहकारीले प्रायोजन गरेका छन् । प्रदेश ४ मा दुई दृष्टिविहीन क्रिकेटर भगवती अम्गाईँ र भगवती भट्टराई राष्ट्रिय खेलाडी समेत हुन् । कास्की जिल्ला नेत्रहीन संघ तथा कास्की जिल्ला क्रिकेट संघ र जिल्ला खेलकुद विकास समितिले सहयोगी भूमिका खेलेका छन् ।