युनाईटेडको उत्कृष्ठ पुनरागमन, चेल्सीमाथि प्रतिस्पर्धात्मक जित

एजेन्सी—म्यानचेष्टर युनाईटेडले उत्कृष्ठ कमब्याक गर्दै चेल्सीमाथि आईतबार राती २—१ को जित निकालेको छ । चेल्सीले ३२ औं मिनेटमा गोल गर्दै दिलाएको अग्रता केवल सातमिनेट कायम रह्यो । चेल्सीका विलियनले गोल गर्दै स्पष्ट अग्रता लियो । आउट गएको बललाई निकै छिटो थ्रो गरेर चलाउँदै इडेन हाजार्डले दिएको पासमा विलियनले दायाँ खुट्टाले पोष्टको दायाँ कुनाबाट भित्र छिरेपछि चेल्सीले खुशीयाली मनायो ।

तर खुशीयाली दीर्घकालिन भने बन्न सकेन् । चेल्सीलाई च्याम्पियन्स लिगको उपाधि दिलाएका पुर्व प्रशिक्षक जोसे मोरिन्होको नेतृत्वमा रहेको युनाईटेडले ३९ औं मिनेटमा गोल गर्दै बराबरीमा ल्यायो । रोमेलु लुकाकुको गोलमा युनाईटेड चेल्सी विरुद्धको खेलमा फर्किदै) बराबरीमा ल्याउँदै उत्कृष्ठ लयलाई पस्कियो । लुकाकुले एन्थोनी मार्सियलको पासमा गोल गर्दै पहिलो हाफ बराबरीमा टुग्याए । ७५ औं मिनेटमा जोसे लिङगार्डले गोल गर्दै चेल्सीमाथि युनाईटेडले प्रष्ट जित निकाल्यो ।

जितसँगै युनाईटेड इग्ंिलस प्रिमियर लिगको दोस्रो स्थानमा उक्लिएको छ । लुकाकुको पासमा लिङगार्डले उत्कृष्ठ गर्दै गोल गरेपछि युनाईटेडले प्रतिष्ठा जोगाए । ७७ औं मिनेटमा विलियनले पाएको अवसरलाई गुमाउँदा चेल्सीले बराबरीको अवसर खेर फाल्यो । ६७ औं मिनेटमा एलेक्स सान्चेजको पासमा लुकाकुको प्रहार पनि खेर गएपछि युनाईटेडले अग्रतालाई फराकिलो बनाउन सकेनन् । ६८ औं मिनेटमा पनि लुकाकुले नै नेमान्जा माटिकको पासलाई उपयोग गर्न सकेनन् ।