रस टेलरको वान डेमा १८ औं शतक, पुरा गरे ७ हजार रन

एजेन्सी—इग्ल्याण्ड विरुद्ध चार बल बाँकी रहदाँ जित निकालेको न्युजिल्याण्डका रस टेलरले शतक मात्रै पुरा गरेनन् । वान डेमा ७ हजार रन पुरा गर्ने तेस्रो न्युजिल्याण्डी क्रिकेटर समेत बने । उनले ११३ बलमा ११६ रन बनाउँदै २८५ रनको लक्ष्यलाई न्युजिल्याण्डले ४ बल बाँकी छदाँ सातको क्षतिमा पुरा गर्दै सिरिज १—०ले अग्रता लिएको छ । वान डेमा उनको १८ औं शतक पनि हो । रसिदको बलमा क्याच आउट हुनु अघि उनले १२ चौका हान्दै उत्कृष्ठ इनिङ खेल्दै ११६ रन बनाई जितको आधार बनाएका थिए ।

रस टेलरले इग्ल्याण्ड विरुद्ध शतक पुरा गर्दै अन्तराष्ट्रिय क्रिकेट करियरमा वान डेमा सात हजार रन पुरा गर्ने तेस्रो न्युजिल्याण्डी क्रिकेटर बने । सात हजार रन पुरा गर्ने खेलाडीमा स्टिफन फ्लेमिङ र नाथ एस्लेले मात्रै छन् । टेलरले न्युजिल्याण्डको इनिङ भने मध्यक्रममा आएर सम्हालेका थिए । उनले टम लाथमसँग १७८ रनको साझेदारी गरेका थिए । यद्यपी लाथमले पनि व्यक्तिगत ७९ बनाई आउट भएका थिए ।