लायन्सको शतवार्षिकीमा तीन पूर्व खेलाडीलाई नागरिक अभिनन्दन

पोखरा(खेलाडी न्युज)— खेलकुदको माध्यमबाट समाजमा पुर्याएको योगदानको उच्च कदर गर्दै तीन खेलाडीलाई लायन्सको १०० वर्षको अवसरमा पोखरामा शनिबार नागरिक अभिनन्दन गरिएको छ । झाँकीसहितको गाडीमा एथलेटिक्सका बैकुण्ठ मानन्धर, तेक्वान्दोका दिपक विष्ट र क्रिकेट अभियान्ता एलबी क्षत्रीलाई नगरपरिक्रमासहित रथारोहण गरी अभिनन्दन गरिएको हो । पूर्व राष्ट्रिय खेलाडीलाई पोखराको नयाबजारस्थित प्रदर्शनी केन्द्रमा उपराष्ट्रपति नन्दकिशोर पुनद्वारा सम्मानपत्रबाट सम्मानित गरिएको थियो ।

लायन्स क्लब इन्टरनेशनल डिष्ट्रिक ३२५ बी १ को आयोजनामा तीन खेलाडीसहित डिष्ट्रिक ३२५ बी १ ले नेपालभरिका विभिन्न क्षेत्रमा योगदान पुर्याएका १०० जनालाई रथारोहणसहित नागरिक अभिनन्दन गरिएको थियो । डिष्ट्रिक ३२५ बी १ गर्भनर धनराज आचार्यले बताए । लायन्स क्लब इन्टरनेशनल डिष्ट्रिक ३२५ ए १ र लायन्य क्लब इन्टरनेशनल डिष्ट्रिक ३२५ ए २, लायन्स क्लब इन्टरनेशनल डिष्ट्रिक ३२५ बी २ को सहकार्यमा पोखराको नयाँबजारस्थित प्रदर्शनी केन्द्रमा नागरिक अभिनन्दन गरिएको थियो ।

लायन्स क्लबले एथलेटिक्सका बैकुण्ठ मानन्धर, तेक्वान्दोका दिपक विष्ट र क्रिकेट अभियान्ता एलबी क्षत्रीलाई नागरिक अभिनन्दन गरिने छ । सागमा मानन्धरले तीन स्वर्ण पदक विजेता हुन् । उनी साग म्याराथनका किर्तिमानी धावक समेत हुन् । उनले पहिलो, दोस्रो र तेस्रो सागमा स्वर्ण पदक जित्दा ४५.१९५ किलोमिटरको दुरीलाई २ घण्टा १५ मिनेट ०३ सेकेण्डको समयमा पुरा गरेका थिए । जुन किर्तिमान अहिलेसम्म कायमै छ । उनी ओलिम्पयन समेत हुन् ।
तेक्वान्दोका अन्तराष्ट्रिय खेलाडी दिपक विष्टले सागमा चार स्वर्ण पदक जितेका छन् । जुन आफैंमा किर्तिमानी हो । उनी एशियन गेम्समा तेक्वान्दोमा दुई कास्य पदक समेत जितेका छन् । उनले आठौं, नवौं, दशौं र एघारौं सागमा स्वर्ण पदक जितेका थिए । यसैगरी नेपाली महिला क्रिकेट अभियान्ता एलबी क्षत्रीलाई नागरिक अभिनन्दन गरिने छ । उनकै श्रेयमा नेपालमा महिला क्रिकेट शुरु भएको थियो । पोखराको सभागृह हलबाट झाँकीसहित रथारोहण शुरु भएको थियो ।