थ्री स्टार फाईनलमा, उपाधिको लागि मनाङ मस्र्याङ्दीसँग भिड्ने

- खेलाडी न्युज, पोखरा


     खेलाडी न्युज    
     चैत्र १८ गते २०७४ मा प्रकाशित


बुटवल(खेलाडी न्युज)—आयोजकलाई पन्छाउँदै रुस्लान थ्री स्टार तेस्रो मदन भण्डारी अन्तराष्ट्रिय गोल्डकपको उपाधि नजिक पुगेको छ । आयोजक मदन भण्डारी स्पोर्टस एकेडेमीको चुनौतिलाई १—० गोलले पन्छाउँदै सिजनको चौथो उपाधि नजिक पुगेको हो ।

मदन भण्डारी स्पोर्टस एकेडेमी प्रदेश नंम्बर ५ को आयोजनामा बुटवल १२ रामनगरमा रहेको मानवज्ञान माविको खेल मैदानमा आईतवार भएको अन्तिम सेमिफाईनल खेलमा आयोजक मदन भण्डारी स्पोर्टस एकेडेमीलाई हराउँदै थ्री स्टारले फाईनलमा मनाङ मस्याङदी संगको भेट पक्का गरेको हो ।

दुई दिनअघि परेको हावाहुरीसहितको असिना पानीले स्थगित भएको खेल आज खेलाईएको थियो । बुद्ध चेम्जोङको निर्णायक गोलमा थ्री स्टारले उपाधिको लागि मनाङ मस्र्याङ्दीसँग प्रतिस्पर्धा गर्ने छ । खेलको ३५ औं मिनेटमा निर्णायक गोल गर्दै उपाधि भिडन्त पक्का गरेको हो । मोफसलकै सर्वाधिक पुरस्कार राशीको गोल्डकप विजेताले १५ लाख रुपैयाँ पाउने छ । उपविजेताले नगद ७ लाख ५० हजार पुरस्कार स्वरुप थाप्ने छ ।