पाँचमहिने कारवाहीपछि राष्ट्रिय टोलीमा फर्किए बेन स्टोक

एजेन्सी—नाईट क्लबका हंगामा मच्चाएर कारवाहीमा परेका इग्ल्याण्डका अलराउण्डर बेन स्टोक २५ तारिखमा हुने न्युजिल्याण्ड विरुद्धको एकदिवसिय खेलमा फर्किदैै छन । झण्डै पाँच महिना कारवाही भोगेका आईपिएलमा सर्वाधिक महंगा क्रिकेटर स्टोक राष्ट्रिय टिममा फर्किएका हुन् । उनलाई राजस्थान रोयल्सले आईपिएलको लागि १२ करोड ५० लाख भारुमा खरीद गरेको थियो ।
गत सेप्टेम्बरमा उनी नाईट क्लबमा हंगामा मच्चाएको भन्दै प्रहरीको हिरासतमा थिए । उनलाई इग्ल्याण्ड क्रिकेट बोर्डले समेत कारवाही गरेको थियो । नाईट क्लबमा भएको घटनापछि स्टोक अष्ट्रेलिया विरुद्धका एसेस श्रृखंलामा भने मैदानमा देखिएनन् । न्युजिल्याण्ड विरुद्धको खेलमा सहभागि हुनु अघि उनी १३ फेब्रुअरीमा ब्रिस्टोलको कोर्टमा उपस्थित हुनुपर्ने छ ।