बुढासुब्बा गोल्डकप उपाधि थ्री स्टारलाई

धरान(खेलाडी न्युज)—पुलिसलाई पराजित गर्दै रुस्लान थ्री स्टारले बुढासुब्बा गोल्डकपको उपाधि जितेको छ । पोखराका मैदानमा हारेको पीडालाई भुल्दै थ्री स्टारले पुलिसलाई १—० को नतिजाले पन्छाउँदै उपाधि उचाल्यो । थ्री स्टारको लागि यो दोस्रो उपाधि हो । सिजनको दोस्रो उपाधि उचालेको थ्री स्टारले पहिलो भने इटहरी गोल्डकप उचालेको थियो ।

दश खेलाडीमा टुगिएको खेलमा निर्णायक गोल भने अजयी मार्टिन्सले गरे । पहिलो हाफको अन्तिम समयमा गोल गर्दै थ्री स्टारलाई उपाधि उचाल्ने बाटो खोले । खेलको २७ औं मिनेटमा पुलिसका हेम तामाङ र थ्री स्टारका पनि हेम तामाङ नै रातो कार्ड खाँदै बाहिरिए । त्योसँगै थ्री स्टारले आफना कप्तान विक्रम लामालाई पनि घाईते हुदाँको पीडामा उपाधिमा मलम लगायो । घाईते भएका लामालाई उपचारको लागि काठमाडौं ल्याइएको छ ।