फा कपमा चेल्सीद्वारा हल सिटी पराजित

एजेन्सी—इग्लिस फा कपको पाँचौ चरणमा चेल्सीले हलसिटीलाई ४—० गोलले पराजित गरेको छ । छ वर्ष आर्सनलमा विताएका ओलिभर जिराउडले चेल्सीको लागि डेब्यु गोल गर्दै चेल्सीमा आफनो स्थान खोज्न थालेका छन् । चेल्सीले हल सिटीलाई पहिलो हाफमै ४ गोलको अग्रता लिएको थियो । दोस्रो हाफमा भने गोल भने हुन सकेन् ।

हल सिटीमाथि चेल्सीले दोस्रो मिनेटमा गोल गर्दै आफनो प्रभाव जमाउन शुरु गर्यो । विलियनले जिरोउडको पासलाई सदुपयोग गर्दै आउटसाईड बक्सबाट हानेको बल बारको देबे्रे कर्नरबाट भित्र छिरेपछि चेल्सीले स्पष्ट अग्रता लियो । २७ औं मिनेटमा पेड्रोले चेल्सीका लागि दोस्रो गोल थपे । सेस फेब्रिगासले दिएको थ्रो बललाई पेड्रोले हानेको बल पोष्टभित्र छिरेको थियो । ३२ औं मिनेटमा हल सिटीले तेस्रो गोलको सामना गर्यो । विलियनले व्यक्तिगत दोस्रो गोल भने जिराउडको पासमा सम्भव गरे ।

जिराउडले दिएको पासलाई उपयोग गर्दै विलियनले कर्नरको दायाँ तर्फबाट पोष्टको दिशा दिए । ४२ औं मिनेटमा जिराउडले गोल गर्दै चेल्सीको लागि डेब्यु गरे । एमिरसनले दिएको पासलाई सिक्स यार्ड बक्सभित्रबाट हानेको बल कर्नरको देब्रे कुनाबाट छिरेको थियो । चेल्सीमा जिराउडले शनिबार उत्कृष्ठ खेल पस्किए । दुई गोलको अवसर सृजना गर्दै एक गोल भने उनले आफनो नाममा लेखाए ।