तिलोत्तमा गोल्डकपबाट बाहिरियो पोखरा

बुटबल(खेलाडी न्युज)—बुटवलमा शुरुभएको तिलोत्तमा गोल्डकपमा शुक्रबार मोफसेली टोली पोखरा ११ ले बिदाई लिएको छ । काठमाडौंको फ्रेण्ड्स क्लबसित १—० गोलले पराजित हुदैं प्रतियोगिताबाट बिदा लिदैं पोखरेली टोली फर्किएको हो ।

पोखरा ११ लामो समयपछि बुटवलमा नकाउट फुटबलको प्रतियोगितामा उपस्थित जनाएको पोखरा पहिलो खेलबाटै बाहिरिन पुग्यो । पहिलो हाफको २९ औं मिनेटमा अफ्रिकन खेलाडी जोन जिलोरेले गरेको गोल पोखरालाई अगाडि बढ्नबाट रोक्यो । जिलोरेले व्यक्तिगत प्रयासमा गोल गरेपछि फ्रेण्ड्स क्र्वाटरफाईनलमा प्रवेश पाएको हो ।

खेलको पहिलो हाफमा फ्रेन्डस क्लवले दवदबामा राखेको खेलमा दोस्रो हाफमा पोखरा ११ ले खेलमा रणनिती परिवर्तन गरी बलमाथि नियन्त्रण राख्यो । पटकपटक पाएको गोल गर्ने अवसरलाई फ्रेन्डस क्लवका किपर राजावाबु थापाले बचाउ गरेकाले निरास बन्दै घर पर्केको हो । शुक्रवारको खेलमा म्यान अफद म्याच फ्रेन्डस क्लवका साजन डंगोल घोषित भए । रुपन्देही फुटवल संघको आयोजनामा भएको प्रतियोगिताको शनिवारको खेल आयोजक लाली रुपन्देही ११ र नवलपरासी ११ का बीच पहिलो क्र्वाटर फाईनल खेल हुने आयोजकले जनाएका छन ।